*पुणे प्रवाह न्यूज अधिकृत ब्लॉग पेज**२३वा पुणे आंतरराष्ट्रीय चित्रपट महोत्सव**१३ ते २० फेब्रुवारी या कालावधीत संपन्न होणार*

*पुणे प्रवाह न्यूज अधिकृत ब्लॉग पेज*
*२३वा पुणे आंतरराष्ट्रीय चित्रपट महोत्सव*
*१३ ते २० फेब्रुवारी या कालावधीत संपन्न होणार*

*पुणे*

पुणे फिल्म फाउंडेशन, सांस्कृतिक कार्य विभाग, महाराष्ट्र शासन व दादासाहेब फाळके चित्रनगरी, मुंबई यांच्या संयुक्त विद्यमाने आयोजित २३वा पुणे आंतरराष्ट्रीय चित्रपट महोत्सव २०२५ यंदा १३ ते २० फेब्रुवारी या कालावधीत पीव्हीआर, पॅव्हिलियन मॉल, आयनॉक्स - बंडगार्डन  आणि सिनेपोलीस-औंध येथे ११ स्क्रीनस मध्ये आयोजित करण्यात आला आहे. या चित्रपट महोत्सवात जागतिक व मराठी चित्रपट स्पर्धात्मक विभाग आणि अन्य विभाग यांमध्ये सुमारे १५० हून अधिक देशी विदेशी चित्रपट रसिक प्रेक्षकांना बघता येतील.  शोमैन राज कपूर यांची १००वी  जयंती ही या वर्षीची थीम असणार आहे. सर्वांसाठी  कॅटलॉग फी ८००/- असून याची नाव नोंदणी www.piffindia.com  यावर दि. १५ जानेवारी पासून सुरु होत आहे, अशी माहिती ज्येष्ठ चित्रपट दिग्दर्शक व पुणे फिल्म फाउंडेशनचे चेअरमन डॉ. जब्बार पटेल यांनी पत्रकार परिषेदत दिली. याप्रसंगी ज्येष्ठ चित्रपट समीक्षक व चित्रपट निवड समितीचे अध्यक्ष समर नखाते, विश्वस्त डॉ. मोहन आगाशे, विश्वस्त डॉ. सतीश आळेकर, चित्रपट निवड समितीचे सदस्य अभिजीत रणदिवे, उपसंचालक विशाल शिंदे (प्रोग्रॅम व फिल्म), उपसंचालक अदिती अक्कलकोटकर (आंतरराष्ट्रीय संपर्क व समन्वय) उपस्थित होते.  

जागतिक चित्रपट स्पर्धात्मक विभागात यंदा १०७ देशांमधील १०५० हून अधिक चित्रपटांनी सहभाग नोंदवला होता. परीक्षक मंडळाने हे सर्व चित्रपट बघून त्यातील १४ चित्रपटांची अंतिम फेरीसाठी निवड केली आहे. अंतरराष्ट्रीय ज्युरींमार्फत अंतिम फेरीतील हे १४ चित्रपट बघून सर्वोत्कृष्ट आंतराष्ट्रीय चित्रपट निवडला जाईल. त्यास ‘महाराष्ट्र शासन संत तुकाराम सर्वोत्कृष्ट आंतरराष्ट्रीय चित्रपट पुरस्कार’ – १० लाख रुपये देऊन समारोप कार्यक्रमात गौरवले जाईल. 

यंदा जागतिक चित्रपट स्पर्धा विभागात निवडण्यात आलेल्या १४ चित्रपटांची यादी पुढील प्रमाणे :

१. डार्केस्ट मीरियम, दिग्दर्शक - नाओमी जये, कॅनडा 
२. ऑन द इन्वेंशन ऑफ स्पीशीज़, दिग्दर्शक - तानिया हरमीड, इक्वाडोर, क्यूबा 
३. टू  अ  लँड  अननोन, दिग्दर्शक - मह्दी फ्लेफेल, युनायटेड किंगडम, फ्रान्स, जर्मनी, नेदरलँड, ग्रीस, कतार, सौदी अरेबिया, पॅलेस्टाईन
४. ग्रैंड टूर, दिग्दर्शक - मिगुएल गोम्स, पोर्तुगाल, इटली, फ्रान्स 
५. अरमंड, दिग्दर्शक - हलफदान उल्लमांन तोंडेल, नॉर्वे, नेदरलँड, जर्मनी, स्वीडन
६. सेक्स, दिग्दर्शक - डॅग जोहान  हाउगेरूड, नॉर्वे  
७. इलेक्ट्रिक फील्ड्स, दिग्दर्शक - लिसा गेर्ट्सच, स्वित्झर्लंड
८. अंडर द वोल्केनो, दिग्दर्शक - डेमियन कोकूर, पोलंड  
९. ए ट्रॉवेलर्स नीड्स, दिग्दर्शक - हाँग सांगसू , दक्षिण कोरिया
१०. ब्लैक टी, दिग्दर्शक - अब्दर्रहमान सिसाको, फ्रान्स, मॉरिटानिया, लक्झेंबर्ग, तैवान, आयव्हरी कोस्ट
११. सम रेन मस्ट फॉल, दिग्दर्शक - यांग क्यू, चीन, अमेरिका, फ्रान्स, सिंगापूर
१२. एप्रिल, दिग्दर्शक - डी कुलुंबेगश्वील,  फ्रान्स, इटली, जॉर्जिया
१३. थ्री किलोमीटर्स टू  द एंड ऑफ द वर्ल्ड्स, दिग्दर्शक - एमानुअल पर्वू , रोमानिया
१४. इन रिट्रीट, दिग्दर्शक - मैसम अली, इंडिया  


Popular posts from this blog

*पुणे प्रवाह न्यूज अधिकृत ब्लॉग पेज**नवीन मराठी शाळा व साईनाथ ट्रस्टचे आषाढी वारीनिमित्त भव्य रिंगण सोहळ्यात खराखुरा अश्वही धावला*

Image
*पुणे प्रवाह न्यूज अधिकृत ब्लॉग पेज* *नवीन मराठी शाळा व साईनाथ ट्रस्टचे आषाढी वारीनिमित्त भव्य रिंगण सोहळ्यात खराखुरा अश्वही धावला* पुणे : शनि दिनांक १३जुलै २०२४रोजी डेक्कन एज्युकेशन सोसायटीच्या नवीन मराठी शाळेत नेत्रदीपक पालखी सोहळ्याचे आयोजन करण्यात आले होते.पालखी सोहळ्याच्या निमित्ताने इयत्ता पहिली ते चौथीच्या १३०० विद्यार्थ्यांनी वाखरी सारखे भव्य गोल रिंगण केले.यावेळी विद्यार्थी विठ्ठल,रुक्मिणी,संत ज्ञानेश्वर,संत तुकाराम,संत नामदेव,संत जनाबाई,संत मुक्ताबाई,संत चोखामेळा,संत कान्होपात्रा,संत दामाजी,संत गोरा कुंभार अश्या विविध संतांच्या वेशभूषेत आले होते.तसेच टाळ,मृदुंग,तुळशी वृंदावन,भगव्या पताका इत्यादी हातात धरून नटलेल्या बाल वारकऱ्यांनी रिंगण सजले होते.मुख्य आकर्षण असलेला खराखुरा अश्वराज रिंगणात फिरू लागताच विठोबा रखुमाईच्या गजराने शाळेचा परिसर दुमदुमून गेला. शिक्षिका सौ.मिनल कचरे यांनी स्वतः रचलेले भक्ती गीत "वाट चालली पंढरीची" या गाण्यावर मुलांनी नृत्य केले. आरुष लोहकरे या इयत्ता पहिलीच्या विद्यार्थ्यांनी शंख वादन केले....
Read more

*पुणे प्रवाह न्यूज अधिकृत ब्लॉग पेज* *“पुणे महानगरपालिका शिक्षण मंडळाचे पुन्हा अस्तित्व आणावे तसेच पुणे महानगर परिवहन महामंडळ लि.(PMPML) मध्ये सभासदांची पदे निर्माण व्हावी* - *शहराध्यक्ष दीपक मानकर*

Image
*पुणे प्रवाह न्यूज अधिकृत ब्लॉग पेज*   *“पुणे महानगरपालिका शिक्षण मंडळाचे पुन्हा अस्तित्व आणावे  तसेच पुणे महानगर परिवहन महामंडळ लि.(PMPML) मध्ये सभासदांची पदे निर्माण व्हावी* - *शहराध्यक्ष दीपक मानकर*   *पुणे* राष्ट्रवादी काँग्रेस पार्टी राष्ट्रीय अध्यक्ष, उपमुख्यमंत्री तथा अर्थमंत्री नामदार अजितदादा पवार यांनी दिनांक ९/१/२०२५ रोजी सर्किट हाऊस,पुणे येथे पदाधिकारी व नागरिकांच्या भेटी घेतली. यावेळी शहराध्यक्ष श्री. दीपक मानकर यांनी उपमुख्यमंत्री नामदार अजितदादा पवार यांना पुणे महानगरपालिका शिक्षण मंडळाचे पुन्हा अस्तित्व आणावे आणि पुणे महानगर परिवहन महामंडळ लि.(PMPML) मध्ये सभासदांची पदे निर्माण करावी असे निवेदन देत मागणी केली.  शहरातील राष्ट्रवादी काँग्रेस पार्टीच्या प्रत्येक कार्यकर्त्याने झालेल्या लोकसभा निवडणूक, विधानसभा निवडणुकीमध्ये जोमाने व प्रामाणिकपणे काम करीत महायुती सरकारला अधिक बळकट केलेलं आहे. पुणे महानगरपालिकेच्या स्थापनेपासून म्हणजे सन १९५० पासून अस्तित्वात आलेल्या पुणे शिक्षण मंडळाची मुदत दिनांक १४ मार्च २०१७ रोजी संपुष्टात आल्याने बरखा...
Read more

*पुणे प्रवाह न्यूज अधिकृत ब्लॉग पेज**बिबवेवाडीतील डोंगरमाथ्याचे आरक्षण उठविण्याच्या निर्णयाला मुख्यमंत्र्यांची स्थगिती* *आमदार माधुरी मिसाळ यांच्या प्रयत्नांना यश*

Image
*पुणे प्रवाह न्यूज अधिकृत ब्लॉग पेज* *बिबवेवाडीतील डोंगरमाथ्याचे आरक्षण उठविण्याच्या निर्णयाला मुख्यमंत्र्यांची स्थगिती*  *आमदार माधुरी मिसाळ यांच्या प्रयत्नांना यश* पुणे, 30 जुलै : बिबवेवाडीतील सुमारे सात एकरांवर तीन भूखंडांवरील डोंगर माथा डोंगर उतार (हिल टॉप,  हिल स्लोप) आरक्षण उठविण्याच्या निर्णयाला मुख्यमंत्री एकनाथ शिंदे यांनी स्थगिती दिली असून फेरप्रस्ताव सादर करण्याचे आदेश नगर विकास खात्याच्या प्रधान सचिवांना दिले असल्याची माहिती आमदार माधुरी मिसाळ यांनी दिली.  यासंदर्भात आमदार मिसाळ यांनी उपमुख्यमंत्री देवेंद्र फडणवीस यांच्या समवेत मुख्यमंत्री एकनाथ शिंदे यांची आज भेट घेऊन निवेदन देत चर्चा केली. राज्याचे उच्च व तंत्रशिक्षण मंत्री चंद्रकांतदादा पाटील यावेळी उपस्थित होते.   मुख्यमंत्री शिंदे यांनी तत्काळ निवडक काही भूखंडांचे आरक्षण रद्द करण्याच्या प्रस्ताव स्थगित करण्याचे आदेश दिले आणि नगरविकास विभागाला बिबवेवाडी येथील एचटीएचएस झोनमधून सर्व जमीन भूखंडांचे आरक्षण रद्द करण्यासाठी एक नवा प्रस्ताव सादर करण्याचे...
Read more